Post no bill - Free verse

Ako’y nilikha

mula sa dalawang apoy na pinagdikit.

ikinulong ng limang buwan

bago iwanan sa sulok ng kadiliman.

At sa pagtuntong ng ika’siyam,

gagapangin kita.

Ako’y itinali

sa isang nilalang na kauri

subalit nagsawa rin at mula sa kadiliman 

nanuot sa aking katawan 
ang kakaibang pwersang kumawala 
mula sa tansing nakabigkis

At ngayong ako’y malaya na

maghahanap na ako ng iba.

Ako’y nagkasala

sa aking pangungutang

sapagkat hindi ko napunan 
ang puwang ng kawalan.

Kaya ang kabayaran—

kamatayan.

Wag kang magsaya

sapagkat bago ako hatulan,

isasama kita sa aking libingan.

P.S. Iyo ang huling patak. Akin ang huling halakhak.

Posted in: Literary articles